لـــــبست اسود عذابك يوم الفراك
وعلي الاسود تذبة وكلشي ذبيت
حــبي وي شوكـي وحجي الاحلام
رمــــشي وي حظني البي تغطيت
تـــــحط لوعات رغما امشي اتعناك
...
وتـــــريد اعوفك وتشوفني امشيت
عكـب كـــــــل الليالي الراحن وياك
هـــــسه جاي تكلي شبيك حبيت
رغـــــم وعدك حملته وياي لسنين
رايــــــــــدني الاعوفك ليش ظنيت
لــــــبسني الحزن راحت الضحكات
وكل ضحكة بشفتك سجين حديت
مــــن دمعي مارحمني وقلة النوم
لان حته بـــــطيوفك تــــالي عزيت
ومـــــــن ضحكة سراب تولعت بيك
رغــــم جذبة اعرفك كلشي حبيت
يــــــا ليت واشوفك مبتسم مرتاح
وتـــــفكني من عذابك يا الف ليت
ســـــويتك حاضري وامس والجاي
وانته بــــاسم كان كلشي سويت
انــــه ويــــــاك العمر ضاع ملهوف
يــــــا ميل الثـــواني شبيك عديت ؟؟
بــــصور سلــــيته العمر حته يهيد
وعـــمرك من عذابي لهفة سليت
يــــاريح واجتني بفتحت الــــــباب
وانه نسمة أجيتك ليـــش صديت ؟